SAH Bern Bücherexpress

4031A.

Wär het ne no kennt, der alt Erzvagant ″ Bäsehans“? – Vor sibezg Johre sicher fascht es jedes Ching i üser Gäget. Jetz fryli si vo syne Zytgenosse scho viel nümme do, u mänge Schtall, won er drinn als Übernächtler im Schtrou gschlofe het, isch syder abgschrisse u neu ufboue worde. I sälber gseh ne no hüt lybhaftig vor mr, wien er alt u chly vorine gchrümmt, a sym länge Schtäcke vo Hus zu Hus glüffen ischt, mängischt für nes Täller Suppe un e Bitz Brot, meischtens aber für nes Glesli Schnaps bättlet het.